Berdura y fruta ta hopi rico den nutriente: Berdura, tuberculonan ( batata, yuca, etc) y fruta ta rico den vitamina, mineral y otros nutrientenan esencial cu ta super importante pa bo tin un salud óptimo.

Control di peso:  Berdura y fruta ta hopi abao den caloria y tin un alto contenido di fiber,  loke por yudabo sintibo yen y satisfecho y  asina yudabo mantene bo peso na un nivel saludable.

Mejora bo digestión: E fiber cu bo ta hanja den berdura y fruta ta yuda promove un digestion saludabel, movimientonan regular di bo tripanan y ta preveni bariga sera.

Reduccion di riesgo di  enfermedadnan cronico: Come un dieet rico den berdura y fruta a wordo asocia cu un riesgo menor di enfermedadnan cronico manera enfermedadnan di curazon, diabetes y cierto tipo di cancer.

Aumenta bo energía: Berdura y fruta ta proporciona nutrientenan importante manera carbohidraatnan compleho y hero , cu por yuda aumenta bo nivel di energia y reduci fatiga. 

Mejora bo salud mental: Algun estudio a sugeri cu un dieta rico de berdura y fruta por yuda mejora bo estado di animo, reduci bo stress y promove bienestar mental den general.

Mejora di e salud di bo cuero: Hopi berdura y fruta ta rico den antioxidantenan y otro nutrientenan cu por yuda protege y nutri bo cuero, manteniendo bo cuero saludabel y radiante.

Fortalecimiento di bo sistema inmunologico: E vitaminanan y mineralnan cu bo ta hanja den berdura y fruta, por yuda bo sistema inmunológico pa ta mas saludabel, reduciendo e riesgo di infeccion y enfermedad.

Mejora salud cardiovascular: Come un dieet rico den berdura y fruta por yuda reduci presion arterial y baja bo nivel di cholesterol y apoya bo salud cardiovascular en general.

Beneficionan ambiental: Elegi come mas berdura y fruta por tin un impacto positivo den e medio ambiente, ya cu dieetnan basa ariba berdura y fruta generalmente mester di menos recurso y ta emiti menos greenhouse gas, cu ta dañino pa nos medio ambiente, compara cu dieetnan cu ta basa ariba productonan di procedencia animal.